Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

Tourism Minister in Convention Centre sakna tur tlawh

/

Tourism Minister, Robert Romawia Royte chuan nimin khan Chite Veng-a Convention Centre sakna tur hmun leh sa tura ruahmanna siam dante a hmunah kalin a enfiah.

Tourism Minister chuan he Centre hi Sawrkar Department hrang hrangte leh Aizawl mipui mamawh chhanna a ni tih sawiin, tuna ruahman ang chuan he Centre ah hian Auditorium, Meeting Hall 6, Riahna Room 8, Library, Coffee Lounge, Office Room, Health Club, Visual and Audio Equipments,Choka etc bakah Parking hmunte a awm ang a. A panna kawngpuite siamin a Compound te pawh cheimawi a ni ang. Chite Convention Centre hi Tourism Ministry in Central Agency Scheme atanga project a sanction hmasak ber a ni.

Sports Minister hian he Centre sakna tur bul lawka Chite Lei, kum 2017-a dawh leh tunhnaia tuilian in a tihchhiat chu a hmunah a tlawh bawk a, Lei hi a quality a chhiat em avanga bung ta nia a lan thu sawiin pawi a tih thu a sawi bawk.

Comments

Post a Comment

Popular News (Last 30 Days)