Tarpho Branch YMA te hnenah Ambulance hlan

North East Transmission Company (NETC) Ltd. chuan Corporate Social Responsiblity (CSR) atangin Tarpho Branch YMA hnena Ambulance an hlan.

Ambulance inhlanna hun hi niminpiah khan Zoom Meeting hmanga neiin Hnahthial DC, H. Dolianbuaia chuan Tarpho Branch YMA te hnenah a hlan a. He hunah hian CSR tanpuina dil chhuaktu Dr. Lalzirmawia Chhangte IAS chuan Power Secretary anih laia OTPC hotu, Satyajit Ganguly hnenah CSR kaltlanga tanpuina ngenna a siam thu a sawi a. “NETC lamah hian ruahmanna min siam sakin a taka bawhzuitu chu Hnahthial DC Office an ni a, tuna alo puitling thei ta leh ka pianna khua, Tarpho mipuiten thil tha an dawng thei tur hi ka lawm hle a ni,” tiin khawtlang hmasawnna leh changkan nan zirna uar tur leh hriselna ngai pawimawh turin Tarpho khua chu a chah bakah Sawrkar Official te thawhpui thiam tur ten a fuih bawk.

Tarpho Branch YMA hnena Ambulance hlan hi Maruti Eeco niin Rs. 6,17,376/- sen a ni a, Hnahthial Sub-Division MJA President, F. Zosangliana chuan Ambulance hi a vailiam a. NETC hotu, Anil R. Sah chuan mipui vantlang tan CSR atanga an luanchhuah thin thu sawiin, tuna Ambulance an pek pawh mipui ten tangkai leh tha taka an chhawr an beisei thu a sawi bawk.