Serchhip bialtu MLA, Lalduhoma chuan nimin khan lehlang-a a bial rawn tlawhin African Swine Fever (ASF) hri leng avanga harsatna tawk te tan Vawk In tihfaina tur Bleaching Powder a sem.
Serchhip bialtu hian tun thla ni 20 khan Serchhip bial-ah hian VC tin te chu Vawk In tihfaina tur hian Sodium Hypochloride a lo sem tawh a, mipuite mamawhna a san zel avang leh a dang lei mai tur a awm tawhloh avangin tun tumah hian Vawk In tihfaina atan Bleaching Powder hi a rawn sem a. Nimin zing khan Serchhip rawn thlengin hemi hnu hian Thenzawl lamah a chhuk leh a, VC area tin tan Bleaching Powder bag 2 theuh hlanin Serchhip bial chhunga VC 18 ah bag 32 semchhuah a ni a. Bialtu MLA hi Veng hrang hrangah kal lovin an Party hruaitu ten VC te hnenah an hlan chhawng leh a ni.
Bleaching Powder hi Thirfian khat zel chu Tui litre khat nen-a chawhpawlhin Vawk In tihfaina atan hian hman tur a ni a, Vawk hri tuar rihlo tan pawh Vawk In tihfaina atan hman theih a ni bawk.
Comments
Post a Comment