Hri kai mi 13 hmuh belh leh

Zonuna Kawlni /

Niminpiah khan Serchhip District-ah hri kai mi 13 zet hmuhchhuah leh an ni a, an zinga mi 2 tihloh chu Thenzawl khua vek an ni.

Niminpiah khan Serchhip District atanga ZMC RT-PCR Laboratory-a Sample thawn 252 enfiah atangin hri kai mi 4 hmuh an ni a, an vai hian Thenzawl khua vek niin hri kai tawh nen inkawmhnaihna neih avanga inkhunghrang lai an ni. Hei bakah hian nimin lama rawn tarlan tawh angin Rapid Antigen Test hmanga Sample enfiah 182 atangin hri kai mi 7 hmuh niin an vai hian Thenzawl khua vek an ni a. Serchhip District-a TrueNat Laboratory-ah Sample 41 enfiah niin hri kai mi 2 hmuh an ni bawk a, BSF Sipai niin tunhnaia State pawn atanga rawn lut leh inkhunghrang lai an ni.

Nimin khan Serchhip District-ah hri kai enkawl dam an awm belh lova, nimin thlenga Serchhip District-a hri kai hmuhchhuah chu 825 niin an zinga 760 te enkawl dam an ni tawh a, hri kai enkawllai 62 an awm mek a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »