Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

Chanchin thar thenkhat :

Zaa 75 ten Vaccine la tawh

Mizoram-a COVID-19 vaccine la thei te zingah za zela 75 te chuan Dose 1-na an la tawh. Mizoram-ah hian Electoral Roll thar ber atanga chhutin kum 18 chunglam Vaccine pek theih mi nuai 7.75 an awm a, July 10 thleng khan Vaccine dose 6,66,483 pekchhuah tawh niin, vaccine full dose la tawh mi 88,874 an awm a, tunah hian vaccine First dose la tawh zat hi Vaccine la thei atanga chhutin 75% a ni. July thla chhung hian Vaccine second dose pek ngai zat chu mi 1,60,720 an ni a, tun dinhmunah vaccine stock a awm tha tih Health Department hotute chuan sawiin, nimin khan raipuar te pawh vaccine hi pek tan an ni tih an sawi. Mizoram-a Vaccine la tawh te hi kum 45 chunglam ah zaa 79 leh kum 18 leh 45 inkar ah zaa 62 niin Vaccine la la lo te chu la thuai thuai turin an ngen bawk a ni.


Sawrkar in hun pawhsei sak

Mizoram Sawrkarin kumin Thal chhunga District hrang hranga kangmei chhuak chung-chang zirchiang tura a din, State Level Special Investigation Team (SIT) te chuan April 24, 2021 atang khan an hna ngawrh takin an thawk chhunzawm zel a. Nimimn khan Disaster Management & Rehabilitation Department chuan order tichhuakin an report thehluh ni tur huntiam chu ni 15 chhung atan a pawhsei sak bawk.


Lunglei in bungrua dawng

Lunglei District Bawrhsap, Kulothungan A, IAS hmalakna in Lunglei District chuan India ramchhung hmun hrang hrang-a NGO foundation/Company/Corporation te atangin tanpuina leh chhawmdawlna an dawn belh zel a. Nimin khan VISION IAS Academy, New Delhi; International Association for Human Values (IAHV), New Delhi leh Help Indian Hospitals, Delhi atangin Medical bungraw hrang hrang te dawn leh niin a vaiin Rs. 15,00,000/- hu zet a ni a. An bungraw dawn zingah hian Oxygen Concentrator, Oximeter, Digital Thermometer, Oxygen Flow Meter leh bungraw dangte a tel a ni.


Hmeichhe kutthlak an dem

MHIP General Hqrs. chuan Inrinni kalta, July 10, 2021-a Buarchep Phai, Mizoram chhung ngeia Mizote thlai tichhia a, an Hmeichhiatpui te kutthlaktu Assam Police te chu an dem takzet tih sawiin, “Kan ram chhan nan, kan hmeichhiatpui hliam tuarte kan ngaisangin kan chhuang takzet a ni,” an ti a. Kan ram zimte chhan nan tangkaina an nei ve anih chuan Mizo hmeichhiate an tlanchhe dawn lo tih pawh sawiin, Zoram hmun hrang hrang atangin ramri buaina avang leh hliam tuarte thlavang hauhna auchhuahpuitu an nei chu lawmawm an tih thu an sawi bawk.


CMRF-ah vbc. 2 chhung leh

Mizoram Sawrkar hnathawk inzawm-khawm pawl, Federation of Mizoram Government Employees & Workers (FMGE&W) te chuan COVID-19 dona atana hman turin nimin khan CM Relief Fund for COVID-19 ah cheng vbc. 2 chu an chhunglut leh a. Hemi hmalam June 17, 2021 khan FMGE&W hian an member te ni khat hlawh thawkhawm cheng vbc. 3 chu lo chhunglut tawhin, an member te sum thawh la lut kimlo hi khawnkhawm zelin nimin khan cheng vbc. 2 hi an chhung leh a, a vaiin vbc. 5 an chhunglut ta a ni.


LG kaltlangin ZMC-ah hlan

D-3 Business Enterprise neitu, Dr. Lalmal-sawma Nghaka’n LG Company-a LG CSR Fund a dil atanga ICU bungrua an lei cheng nuai 27 man zet chu nimin khan ZMC-a Director Dr. John Zohmingthanga hnenah an hlan a, an thil hlan zingah hian 2 Ton Air Conditioner (AC) 22 leh 1 Ton Air Conditioner (AC) pali (4) bakah khawl dang te a tel a ni.

Comments

Chhiar Hlawhte