Khaw 19-ah ASF hmu tawh

/

Serchhip District chhunga VC 19 te chu Vawk pul hri, African Swine Fever (ASF) lenna hmun ah puan a ni tawh a, ASF vanga Vawk thi pawh 1104 zet a awm tawh.

Nimin-a AH&Vety Department chhinchhiahna atanga a lan danin ASF hri lenna hmuna puan leh te hi Serchhip khawpui chhung ami vek niin Vengchung, Chhim Veng, Serchhip Kawnpui, Kawnpui North leh Darnam Veng te an ni a, heti hian Serchhip District-a VC 19 te chu ASF hri lenna hmunah hian puan ni tawhin nimin khan Vawk thi 35 chhinchhiah thar a ni bawk.

Nimin-a Vawk thi zinga 16 te hi Then-zawl khua ami niin Chhiahtlang-ah Vawk 10 a thi ve leh bawk a, Chhingchhip Mualpui-ah 5 leh New Serchhip-ah 3 thiin Zote South leh Ser-chhip Kawnpui-ah pakhat ve ve a thi bawk. Serchhip District-ah hian ASF vanga Vawk thi 1104 awm tawhin Vengchung-ah hian 30, Chhim Veng-ah 36, Serchhip Kawnpui-ah 22, Serchhip Kawnpui North-ah 9 leh Darnam-ah 1 a thi tawh a, Vawk thi tamna ber chu Thenzawl niin 308 zet a thi tawh a. Nimin khan hri leng avangin heng khua-ah te hian Vawk 18 suat leh a ni bawk.

Nimin khan Serchhip District-a ASF hri lenna hmun puan ni lo khaw 3-ah Vawk thi 4 a awm leh bawk a, heti hian Serchhip District-a Vawk hri lenna hmuna puan ni lo khaw 16-ah Vawk thi 63 awm tawhin nimin khan Khumtung khua ah Vawk 15 suat a ni bawk a, heti hian hri lenna hmun ni lo khaw hrang hrangah Vawk 52 suat a ni tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »