Hri kai thar 7; Dam 4 awm

/

Niminpiah khan Serchhip District-ah COVID-19 hri kai mi 7 hmuhchhuah belh leh niin nimin khan mi 4 enkawl dam an ni bawk.

Niminpiah khan Serchhip District-a TrueNat Laboratory-ah Sample 18 enfiah niin heng atang hian hri kai mi pakhat hmuhchhuah a ni a, Serchhip Vengchung mi, tunhnaia State pawn atanga rawn haw, mahni In-a inkhunghrang lai a ni. Rapid Antigen Test hmangin niminpiah khan Sample 93 enfiah ni bawkin hri kai mi 6 hmuh an ni a, an zinga 3 te hi BSF sipai niin tunhnaia State pawn atanga rawn haw, inkhunghrang lai an ni a, midang 3 te hi Thenzawl ami niin hri kai tawh nen inkawm-hnaihna nei an ni thung.

Nimin khan Serchhip District-a hri kai mi 4 te chu enkawl dam an ni a, an zinga mi 2 te hi Nursing School CCC-a enkawl, Serchhip Bazar Veng ami an ni a, midang 2 hi Chhing-chhip-a mahni In lama inenkawl a ni thung.

Heti hian nimin thleng khan Serchhip District-a COVID-19 hri kai hmuhchhuah chu 771 an ni ta a, an zinga 741 te chu enkawl dam ni tawhin hri kai enkawllai 27 an la awm mek a, hri kai zingah mi 3 an boral tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »