Latest News

Vawk thi 1000 tling tawh

African Swine Fever (ASF) avanga Serchhip District-a Vawk thi chu sang khat aiin a tam ta.

Serchhip-a AH&Vety Department chhinchhiah danin nimin khan Serchhip District-a ASF hri lenna hmunah Vawk thi 51 zet chhinchhiah belh leh a ni a, heng te nen hian Serchhip District-a ASF vanga Vawk thi chu 1030 a tling ta a ni.  Nimin a Vawk thi chhinchhiah thar zinga 25 te hi Thenzawl khua ami niin Thenzawl hi khaw mal a ASF vanga Vawk thi tamna ber ni tawhin Vawk 269 zet a thi tawh a. Chhiahtlang-ah Vawk 14 awm belh lehin Vawk 128 zet a thi tawh bawk a ni. Nimin vek khan Vawk hri lenna hmunah Vawk 15 suat leh ni bawkin heng te nen hian hri lenna khaw 14-ah Vawk 544 zet suat a ni tawh bawk.

Hetihlai hian nimin khan Serchhip District chhunga khaw 4-ah chhan hriatloh a Vawk thi 6 a awm leh bawk a, heng te nen hian Serchhip District chhung khaw 21-a chhan hriatloh a Vawk thi chu 152 tling tawhin Vawk 71 suat a ni tawh bawk a ni.

Comments

Chhiar Hlawhte