Latest News

Hri kai 807 tling tawh

Niminpiah khan Serchhip District-ah hri kai mi 7 hmuhchhuah belh leh niin Serchhip District-a hri kai hmuhchhuah chu 807 an tling ta.

Niminpiah khan Serchhip District atanga Sample lak 107 chu ZMC-ah RT-PCR Laboratory-ah enfiah niin hri kai mi 2 hmuhchhuah an ni a, Then-zawl khua ve ve niin hri kai tawh nen inkawm-hnaihna nei an ni. Serchhip District-a TrueNat Laboratory-ah Sample 8 enfiah niin hri kai hmuh an awm lova, Rapid Antigen Test hmanga Sample enfiah 128 enfiah niin hri kai mi 5 hmuhchhuah an ni a, an zinga mi 4 te chu Thenzawl khua ami niin hri kai tawh nen inkawmhnaihna nei an ni a, midang pakhat hi Rawpui khua niin hri kai tawh nen inkawmhnaihna nei a ni bawk.

Nimin khan Serchhip District-ah CO-VID-19 hri kai enkawl dam awm belh lovin heti hian nimin thlenga Serchhip District-a hri kai hmuhchhuah chu 807 an tling ta a, an zinga 758 te chu enkawl dam ni tawhin tunah hian hri kai enkawllai mi 46 an la awm mek a, hri kai te zingah nunna chan mi 3 an awm tawh a ni. Hri leng vangin mahni In leh sawrkar hmunhma a inkhunghrang mi 44 an la awm mek bawk a ni.

Comments

Chhiar Hlawhte