Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

Hri kai enkawlna tur Health Minister in a tlawh

Health Minister Dr. R. Lalthangliana chuan nimin khan Aizawl khawpui huamchhunga COVID Care Centre (CCC) tura buatsaih mek te chu a hmunah tlawhin an inbuatsaihna kalmek te a enpui.

Health Minister hian Multipurpose Sports Complex, Joint YMA Field, Aizawl leh Falkland-a Rajiv Awas Yojana (RAY) Building bakah DCHC-a hman tura ruahman mek Kulikawn Hospital te chu a tlawh a, Multipurpose Sports Complex, Joint YMA Field, Aizawl-ah hian PWD, PHE, Health & Family Welfare Department leh khawtlang aiawhten Minister Dr. R. Lalthangliana hi lo dawngsawngin, a hmunhma an en ho a, Tui connection, Electric Power Supply leh Power back-up te endik a ni a. Multipurpose Sports Complex Floor pathum-ah hian mi 80 vel dah thei tura rin a ni a. Infrastructure la peihfelh loh deuhte chu a rang thei ang bera hna chhunzawm a, peih fel turin Minister hian a hrilh a ni.

Falkland-a Rajiv Awas Yojana (RAY) Building hrang hrangah hian a vaiin mi 300 vel dah theih tura ruahmanna kal mek a ni a, Tui pipe la vuah zawh loh awmte chu karleh Nilai-ah chuan an zawh theih an rin thu Minister hi an lo hrilh a, thildang erawh peihfel thawkhat a ni tih an lo hrilh bawk a ni.

DCHC-a hman tura ruahman mek Kulikawn Hospital-ah hian mi 50 vel dah theihna tura ruahman a ni a, kum upa lam ten inthiarna-a harsatna an neihloh nan rang taka a tul anga ruahmanna siam ni a, karleh lamah chuan a chhung chei thatna kal mek zawh a, inpeih fel an inrin thu Minister hnenah an lo sawi bawk a ni.

Comments

Popular News (Last 30 Days)