Hri kai 718 an tling tawh

Zonuna Kawlni /

Serchhip District-a COVID-19 hri kai hmuh-chhuah chu 718 an tling ta.

Zirtawpni khan Serchhip District-a TrueNat Laboratory-ah sample 31 enfiah niin hri kai hmuhchhuah an awm lova, Rapid Antigen Test hmangin Sample 123 enfiah niin hri kai mi 8 hmuhchhuah an ni a, Inrinni-a New Serchhip leh Thenzawl-a hri kai kan rawn tarlan tawh mi pakhat ve ve bakah Thenzawl-a hri kai chhuizuina ah hri kai mi 6 hmuh belh a ni bawk.

New Serchhip Kikawn-a hri kai hmuhchhuah in a kawmhnaih te chhuizuina ah Inrinni khan hri kai mi hri kai mi 9 hmuh belh leh an ni bawk a, nimin lam khan hri kai hmuhchhuah tawh in a chenpui mi 2 chuan hri an kai tih hmuh leh a ni bawk.

Inrinni khan Serchhip District-a hri kai enkawl mi 5 te chu Nursing School CCC atanga chhuahtir niin nimin khan Nursing School CCC atang hian mi 4 chhuahtir an ni ve leh bawk a, heng mite hi tunhnaia Serchhip Darnam Veng leh Dinthar Veng-a hri kai hmuhchhuah te an ni.

Heti hian nimin thleng khan Serchhip District-a hri kai hmuhchhuah chu 718 niin heng zinga 673 te chu enkawl dam an ni tawh a, tunah hian hri kai enkawllai mi 42 awmin hri kai zingah nunna chan mi 3 an awm tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »