Latest News

Serchhip District-a zirna In te tluang taka hawn a ni

Sawrkar ruahman anga Serchhip District-a zirna In hrang hrangte hawn a nih hnuah zirna In te hi an inhawng kim thawkhat nia thudawn a ni.

Serchhip-a Education Department-a thawktute hnen atanga thu kan dawn danin Mizoram Sawrkar in ruahmanna a siam angin District chhunga zirna In hrang hrangte chu tunkar atang khan hawn tan niin zirlai naupang ten Online hmanga Class an kal theihna turin hma an la a, heng zirna In hrang hrangte hian an Class kal dan chu Education Department Office lama an thehluh bakah Department-a thawktu ten a remchan angin a hmun ah tlawhin an enfiah bawk a ni.

School Eduation Department-a thawktute chuan Serchhip District chhungah Hri leng leh thawktu zinga hri kai avang a zirna In hawng theilo an awmlo nia thudawn niin Lung-pho khua ah erawh chuan an School Building chu CCCC atan hman a nih avangin zirtirtute hi School-ah an kal theilo thung a. Amaherawh chu School a thawk Zirtirtute hi an Headmaster In-ah kalkhawmin Online hmanga zirlai naupang ten Class an kal theihna turin hma an la tho tih report a ni bawk.

School Education Department-a thawk-tute chuan zirna In hawn leh kalpui zel dan turah sawrkar thuchhuak anga kal zel tur a nih thu an sawi a, tuna ruahmanna awmsa ang chuan karleh lamah pawh zirna In te hi hawn zui zel tur a nih thu an sawi bawk.

Comments

Chhiar Hlawhte