Latest News

Mizoram-ah COVID-19 hri kai an la pung zel

Pathianni khan Mizoram-ah Sample 1810 enfiah niin COVID-19 hri kai mi 547 hmuh thar leh an ni a, Sample enfiah atanga zaa 30.22 te chuan hri an kai a. Hetihlai hian July 21-24, 2021 chhunga Sample enfiah runpui-a hri kai hmuhchhuah 822 te ziahluh thar an nih avangin Pathianni a hri kai ziahluh thar chu 1369 zet an ni thung.

Pathianni khan ZMC-a RT-PCR Laboratory-ah Sample enfiah awm lovin District hrang hranga TrueNat Laboratory-ah Sample 110 enfiah niin hri kai mi 14 hmuh an ni a, an zinga mi 7 te hi Siaha District ami niin Mamit District-ah hri kai mi 3 leh Aizawl District leh Kolasib District-ah hri kai mi 2 ve ve hmuh an ni bawk.

Rapid Antigen Test hmangin Sample 1700 enfiah ni bawkin heng atang hian hri kai mi 533 hmuh an ni a, an zinga mi 442 te chu Aizawl District atanga hri kai hmuhchhuah te an ni. Aizawl District-ah hian Sairang Dawr Veng chu hri kai hmuhchhuah tamna ber niin mi 40 zet hmuh an ni a, Bawngkawn-ah 33, Vaitin-ah 30, Bethlehem Vengthlang-ah 20, Bawngkawn South-ah 19, Bethlehem Veng-ah 14, Lawipui, Ramhlun Venglai leh Tuikual South-ah 12 theuh, Chhinga Veng, Edenthar leh Venghlui-ah 11 theuh hmuh an ni bawk a, a bak zawng hi Veng leh khua 54 ami an ni thung.

Heng bakah hian Mamit District-ah hri kai mi 24 hmuh an ni bawk a, Lawngtlai District-ah mi 20, Saitual District-ah Phuaibuang khua ah mi 20, Kolasib District-ah mi 18, Siaha District-ah mi 6, Serchhip District-ah mi 2 leh Lunglei District-ah hri kai mi pakhat hmuh an ni bawk.

Tun thla ni 21 atang khua leh Veng 17-a Mass Testing neih tuma hri kai hmuhchhuah te chu nimin Report-ah hian dahluh tel an ni bawk a, Mass Testing-a hri kai hmuhchhuah hi an vaiin mi 822 niin Chhuanthar-ah 120, Bawngkawn-ah 89, Ramthar-ah 88, Dinthar-ah 67, Phunchawng-ah 63, Armed Veng South-ah 61, Chhinga Veng-ah 60, Venghlui-ah 58, Bethlehem Vengthlang-ah 29, Sairang-ah 41, Tuikual North-ah 40, Bung-kawn Vengthar-ah 31, ITI Veng-ah 25, Rangvamual-ah 22, Salem Veng-ah 18, Bawngkawn Hmar Veng-ah 9 leh Saron Veng-ah pakhat te an ni.

Heti hian nimin thlenga Mizoram-a COVID-19 hri kai hmuhchhuah tawh chu 33,452 an tling ta a, nimin khan  hri kai te zingah mi 212 te chu enkawl dam leh niin heti hian nimin tlai dar 5:00 thlenga Mizoram-a hri kai enkawl dam chu mi 23,784 an ni tawh a, hei hi hri kai hmuhchhuah atangin zaa 71.09 niin hri kai enkawllai 9531 zet an awm tawh a. Par-neihkhara (85), Bawngkawn Aizawl chu July 25 khan COVID-19 vanga boralin nizan hmasa dar 9:00 khan Lalthanmawia (62), Vairengte chu Vairengte-a 4C-ah a boral leh bawk a, heti hian Mizoram-a hri kai zingah mi 137 zet an boral ta bawk a ni.

Comments

Chhiar Hlawhte