Latest News

Chanchin thar thenkhat :

Tan lak a nih thu sawi

Information & Public Relations Minister, Lalruatkima chuan COVID-19 hri leng mekah COVID Appriopriate Behaviour ngawrh leh-zual inzirtir turin tan lak a nih thu nimin-a Health Minister hova thutkhawm ah a sawi a. LLTF/VLTF leh Kohhranho thahnemngaihna leh inpekna a fakawm tih sawiin, lockdown chhunga chhuan-chham an awm lohna turin Task Force te mai bakah mipui aiawh tura thlan Minister, MLA, Councillor zawng zawngten a tul anga rua-hmanna siam zung zung tura beng an chhit tlan reng a pawimawh tih a sawi bawk.


Sample Test runpui nei dawn

Mizoram sawrkar in ruahmanna a lo siam tawh angin AMC huamchhunga Total Lockdown kalpui chhungin Vawiin atang hian Sample en-fiah runpui, Mass Testing chu neih a ni dawn a. Ruahmanna ang chuan Vawiin hian Chhinga Veng chuanhnuai, Armed Veng South, Saron Veng chhim lam Khuangchera Section, Bethle-hem Vengthlang, Electric Veng leh Tuirial-ah te neih tum a ni. Hemi hmalam Inrinni khan Covid-19 Medical Operational Team (MOT) leh Chief Medical Officer, Aizawl West tangkawp te chuan Chanmari West-ah Test Runpui hi hlawhtling takin an lo nei tawh tih sawrkar thuchhuah chuan a tarlang a ni.


Hri leng thawh 2-na tuar nasa

Mizoram-a COVID-19 hri len thawh khatna nikum March thla atanga kumin March thla tawp thleng, thla 13 chhung khan Mizoram-ah Sample 2,53,203 enfiah niin heng atang hian COVID-19 hri kai mi 4476 hmuhchhuah an ni a, mi 11 in nunna an chan bawk a ni. COVID-19 thawh hnihna an tih mai a rawn thawh leh hnu, kumin April thla atanga July 17, 2021 thleng khan Mizoram-ah Sample 3,02,696 enfiah ni tawhin hri kai 22,677 zet hmuhchhuah an ni a, hri kai zingah nunna chan mi 110 zet an awm hman bawk a. Hri leng thawh khatna aiin thawh hnihna hi mipui ten an tuar nasa zawk hle a ni.


Assam lam rawn kal leh

Tunhnaia Assam leh Mizoram ramri-a inepna kal mekah nimin khan Assam lam mi thenkhat te chu Aitlang-ah an rawn kal leh nia thudawn a ni a, tunhnaia Mizoram Police te inkulhna, Darthan-zau-a huan chu an rawn sam leh nia thudawn niin Aitlang lam hnai a Mizo huan leh Sangha Dil neite pawh an Dil te sah a, an huan te kalsan vek turin an rawn hrilh nia thudawn a ni bawk.

Comments

Chhiar Hlawhte