Latest News

Thil man pangngai aia tisang lo turin hriattir

Mizoram-a sumdawng, dawrkai, thlai leh thei zuartute chu an thil zawrh pakhat mah chheprelh lo tur leh a man (Rate) pangngai aia tova hralh lo tura hriattir an ni.

Hemi chungchangah hian Food, Civil Supplies & Consumer Affairs Department Director chuan sumdawngte, dawrkai leh thlai, thei zuartu zawng zawngte chu sawrkar dan zawm vek turin a hriattir a. Tun dinhmunah ramri-a harsatna kan tawh mek avangin kan nitin mamawh chawkluhna kawngpui ber pawh a ralmuang rihlo hle a, tun dinhmunah kan nitin mamawh te engemaw hun chhung khaihlak thei a ni, a ti a. He hriattirna zawm lova man chhuahte chu Legal Metrology Act, 2009 leh Prevention of Blackmarketing & Supplies of Essential Commodities Act, 1980 dan hmang te in hrem an ni ang tih a tarlang bawk.

Hei bakah hian nitin mamawhte to uchuak taka zuar thinte chuan mipuite dikna leh chanvo an palzut a ni tih hriain, mipuite chu Consumer an nihna anga mahni dikna leh chanvo te Consumer Protection Act, 2019 Section 17 dan hmanga humhalh anih theihnan mahni awmna District theuhva Deputy Commissioner/District Magistrate te hnenah thlen thin turin FCS&CA Department Director chuan a hriattir bawk a ni.

Comments

Chhiar Hlawhte