Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Assam Police te chhanlet danah MZP an lawm

MZP General Hqrs. chuan July 26, 2021 tlai-a Mizoram sawrkar in Assam Police te a chhanlet dân chuan MZP a tilawm zual hle tih an sawi.

Nimin a thuchhuah an siamah MZP General Hqrs. chuan kum tam tak kalta atangin ramri buai chinfel a nih theih nan hma an la reng tih sawiin, kum 2018 khan Bairabi, Zophai hmunah Mizo zirlaiten Assam Police te kut leh silai mu an lo tuar thlawn tawh tih sawiin, rilru na taka awmin, na taka chhanglet tawh tura khatih laia Mizoram sawrkar a beisei em em laia chhanlet a nih loh lai a, July 26, 2021 tlai-a Mizoram sawrkarin Assam Police te a chhanlet dân chuan MZP chu a tilawm zual hle thung tih an sawi a. Kan ram leh hnam zahawm nan huaisen taka hmala zel turin Mizoram sawrkar an ngen tih sawiin, Bengal Eastern Frontier Regulation (BERF) 1875 ramri chu Mizoten lungdum taka kan pawm tlan ramri a nih angin huaisen taka tanchhan zel tur te, ramri humhalhna kawnga chak lehzuala hmala tur leh a theih anga Police Force te indaihlohna pawh a rang thei anga hnawhkhat tûrin sawrkar chu an ngen tih an sawi bawk.

MZP chuan July 26, 2021 tlai-a Assam Police ten Mizo mipui zahna nei miah lova Vairengte Auto Rickshaw Stand thleng lokal a, Mizoram Police te awmna, an Camp an luahlan hnua Mizoram Police ten an chhanlet dan chu lungawithlak an tih thu leh lawmawm an tih thu sawiin, hun reilote chhunga an Camp an la let nghal leh ram leh hnam chhan tura Mizoram Police te inpekna chu chhuanawm an ti takzet tih an sawi a, “Kan Police te chet phalna petu Mizoram Chief Minister Pu Zoramthanga, Home Minister Pu Lalchamliana bâkah Bialtu MLA Pu Lalrinsanga Ralte leh Official zawng zawng te inpekna chu MZP chuan fakawm a ti takzet a ni,” an ti.

Comments

Chhiar Hlawhte