Hri kai 278 hmuh thar awmin mi 354 an dam thung

/

Mizoram-a COVID-19 kai hmuhchhuah chu ala tlem thei tak taklo niin a lang a, niminpiah khan Sample 4006 enfiah leh niin hri kai 278 hmuh leh an ni a, Sample enfiah atanga zaa 6.93 te chuan hri an kai a ni.

Niminpiah khan ZMC Laboratory-ah Sample 1015 enfiah niin heng atang hian hri kai mi 65 hmuhchhuah an ni a, an vai hian Aizawl District-a sample lak vek an ni. Aizawl Bethlehem Vengthlang-ah hri kai mi 19 lai hmuhchhuah an awm a, Dinthar Veng-ah hri kai mi 12 hmuh an ni bawk a, hri kai hmuhchhuah te hi inkhunghrang lai an ni hlawm.

Mizoram District hrang hranga TrueNat Laboratory-ah Sample 279 enfiah niin heng atang hian hri kai mi 13 hmuh an ni bawk a, heng zinga mi 9 te hi Lunglei District-a hri kai hmuhchhuah niin an zinga 8 te hi Lunglei khawpui chhunga mi an ni a, Mamit District-ah hri kai mi 2 hmuh niin Champhai leh Kolasib District-ah hri kai mi pakhat ve ve hmuh an ni bawk.

Rapid Antigen Test hmangin niminpiah khan Sample 2712 enfiah ni bawkin heng atang hian hri kai mi 200 hmuh an ni a, a zatve aia tam mi 102 te chu Aizawl District-a hri kai hmuhchhuah te an ni. Aizawl District-a hri kai hmuhchhuah te hi Veng leh khua 35 ami te niin Central Jail-a tang mek zingah hri kai mi 13 hmuhchhuah an ni a, hri kai zinga mi 58 te chu hri kaina hriatloh leh chhui zui ngai an ni bawk.

Kolasib District-ah hri kai mi 33 zet hmuhchhuah an awm bawk a, an zinga 19 te hi Kolasib khawpui chhung ami te an ni a, Hnahthial District-a State pawn atanga hnathawktu tur rawn lut mi 26 te chuan hri an kai tih hmuhchhuah a ni bawk. Lawngtlai District-ah hri kai mi 17 hmuh niin Lunglei District-ah hri kai mi 8 hmuh an ni a, Mamit District-ah hri kai mi 6 hmuh niin Siaha District-ah 5 leh Champhai District-ah hri kai mi 3 hmuh an ni bawk.

Mizoram-a COVID-19 hri kai hmuhchhuah chu 20,770 an tling ta a, nimin khan hri kai mi 354 te chu enkawl dam awm ve leh bawkin nimin thleng khan Mizoram-a hri kai zingah mi 16,899 te chu enkawl dam an ni tawh a, tunah hian hri kai enkawllai 3777 an la awm a ni.

Hri kai zingah nunna chan awm belh leh :

Nizan hmasa khan Salvation-a (73), Saihapui K chu COVID-19 vangin a boral. Thudawn danin Salvation-a hi nizan hmasa khan Kolasib District Hospital-ah inentir turin a kal a, Rapid Antigen Test hmanga a Sample enfiah a nihin COVID-19 hri a kai tih hmuhchhuah niin hri kai enkawlna hmuna dah a nih hmain a boral zui ta a ni. Heti hian nimin thleng khan Mizoram-a COVID-19 hri kai zingah mi 94 lai an boral ta a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »