Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

Chanchin thar thenkhat :

Covid Relief for Key Population

COVID-19 hrileng in a nghawng nat, ruihhlo ngai, rahbi tleu te leh HIV/AIDS vei te tanpuina tur, ‘Covid Relief for Key Population’ chu nimin khan Health Minister, Dr. R. Lalthangliana chuan a hawng. Positive Women Network of Mizo-ram (PWNM) Office-a he hun hmanna ah hian Health Minister chuan Community Based Orga-nisation hrang hrang - YWCA, Positive Women Network of Mizoram (PWNM), Mizoram Drug User Forum (MDUF), leh Mizoram State Network of Positive People (MISNOPP) ten HIV/AIDS dona kawnga an thawhhlawkzia Sawrkar in a hriatpui tih sawiin an chungah lawmthu a sawi a. COVID hri leng mek dona kawnga kan tanrual angin HIV/AIDS dona kawngah tanrual a tul thu a sawi bawk.

HIV/AIDS vei te, ruihhlo ti thin te, Sex Worker te leh hetiang lama harsatna tawk mi dangte zingah COVID hri leng mek avanga harsatna namenlo hmachhawn an awm avangin heng pawl hrang hrangte hian United Nations Programme on HIV/AIDS (UNAIDS) leh Centre for Disease Control & Prevention (CDC) ah tanpuina dilin an member mi 500 te tan tanpuina Ration, Mask leh Sanitizer te an dawn bakah COVID-19 lockdown chhunga chenna tur neilo te awmna tur, Temporary Shelter siamsak an remti bawk a. July thla atanga September thla thleng kalpui tur a ni dawn a ni.


LLTF te tlawhchhuak mek

Aizawl Municipal Council (AMC) huam-chhunga Local Level Test Force (LLTF) zawng zawngte tlawhchhuaka an hnena lawmthu sawina leh infuihtharna hun hmangtu tur, LLTF Visit Team chuan tun thla tir atang khan Aizawl khawpui huamchhung veng hrang hranga LLTF 83 te tlawh-chhuakin hun an hmang mek a. He Team hi LLTF hmalakna leh inpekna te, sawrkar an tawiawmna leh mipuite phurrit nasa taka chhawktu an nih avanga lawmthu sawi tur leh, an harsatna ngaihthlaksak bakah tul dang sawipui tura Aizawl DC din a ni.


CMRF-ah sum chhunglut

Mizoram Ayush Doctors’ Association chuan COVID-19 hri leng avanga a tul apianga hman turin nimin khan Chief Minister's Relief Fund for Covid-19 ah Rs. 1,20,000/- an chhunglut a, heti hian COVID-19 dona atana CMRF-a sum lut hi Rs. 27,01,99,678/- niin heng atang hian Rs. 25,24,94,470/- chu hman a ni tawh a, tunah hian Rs. 1,77,05,208 ala awm a ni. Mizoram Ayush Doctors’ Association-ah hian member 220 vel awmin hri leng dona kawngah kawng chi hrang hrangin hma an lo la tawh thin a ni.


Governor in Hawla tlawh

Mizoram Governor kalchhuak tur P.S. Sreedharan Pillai chuan nimin khan MPCC President Lal Thanhawla chu a chenna In-ah tlawhin a lehkhabu ziah thar ber a hlan a, Governor chuan Lal Thanhawla chu remna leh muanna Mizoram in a neih theihna tura a lal thutthleng kian thei khawpa Mizoram hmangaihtu nia a hriatthu a sawi a. MPCC Preident te chhungkua chu a awmna tur, Goa tlawh ngei turin a sawm bawk. Governor hian a rawn awm tirh khan a lo tlawh tawh bawk a ni.


Vaccine la pung zel

Mizoram-ah COVID-19 Vaccine pek hna chu ngawrh taka kalpui chhunzawm zel a ni a, tun thlengin mi 6,27,134 te hnenah Vaccine Dose 1-na pek ni tawhin an zinga mi 70,573 te hnenah Dose 2-na pek an ni tawh bawk a, Mizoram hi India ram puma Covid hripui danna la \ha leh la tam tehna ah 7-na ah lang phakin mi nuai khat zelah 53000 in hri danna hi an la ang a ni.

Comments

Chhiar Hlawhte