Midangte tanpuina kawnga ke pen zel turin chah

Zonuna Kawlni /

MHIP General Hqrs. President, Lalthlamuani chuan MHIP Member te chu midang te tanpuina kawngah ke pen zel turin a chah.

Nimin a MHIP Day vawi 47-na puala thuchah a sawi ah MHIP General Hqrs. President, Lalthlamuani chuan MHIP member te chu ‘Mite Tanpui’ an din chhan anih angin midang te tanpuina kawngah ke pen zel turin a chah a, MHIP member tin te mahni awmna hmun theuhah midang tana malsawmna ni vek turin leh hrileng do na atana thawktu sawrkar leh a kut ke hrang hrang te tawngtai pui vek turin a chah bawk.

MHIP Day hi hri leng karah Mizoram hmun hrang hrangah hman a ni a, Sub-Hqrs. hrang hrang te leh Branch hrang hrang ten Covid-19 hri vei te enkawlna hmun leh LLTF/VLTF duty te pawisafai an hlan bakah damlo kanna hun atan te an hmang tlangpui a, Tuipuiral Group MHIP chuan Myanmar raltlan te pualin Vehbur an khawn bawk.

Mizo Hmeichhe Insuihkhawm Pawl (MHIP) hi July 6, 1974-a din a ni a, tun dinhmunah Sub-Headquarters 10 a neih bakah, Block 26 awmin Joint MHIP 17 an an nei a, MHIP Branch hrang hrang 732 a awm bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »