ASF vangin Vawk 46 thi leh

Zonuna Kawlni /

Nimin khan Serchhip District khaw 14-ah ASF vangin Vawk 46 thi lehin khaw 8-ah Vawk 50 suat leh a ni bawk.

Nimin-a ASF vanga Vawk thi zingah hian Keitum khua ami tam berin Vawk 10 a thi a, Thenzawl-ah 8, Bungtlang-ah 6, Chhingchhip Mualpui-ah 5, Chhim Veng-ah 4, Chhiahtlang-ah 3 leh Hmar Veng leh Chhuan-thar Tlangnuam-ah 2 ve ve thiin khawdang 6-ah pakhat theuh a thi bawk a, heng te nen hian Serchhip District-ah ASF vangin Vawk 2235 a thi tawh a, Vawk thi tamna ber Thenzawl-ah 698 zet a thi tawh a ni.

ASF hri lenna zinga khaw 8-ah nimin khan Vawk 50 suat leh ni bawkin a tam ber chu Buhkangkawn khua ami niin Vawk 17 suat a ni a, Thenzawl-ah pawh Vawk 9 suat leh niin heng te nen hian Serchhip District-a ASF hri lenna hmunah vawk 1646 zet suat a ni tawh a ni.

Nimin khan ASF hri lenna hmun ni lo khaw 4-ah Vawk thi 7 lai a awm leh thung a, heng zinga 4 te hi Thinglian khua ami an ni a, ASF hri lenna hmun ni lova Vawk thi hi 43 ni tawhin Vawk 7 suat a ni tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »