Latest News

ASF vangin Vawk thi leh Vawk suat la awm belh zel

Nimin khan Serchhip District-ah khaw 16 ah ASF vangin Vawk 63 lai a thi leh a, Vawk 79 suat leh a ni bawk.

AH & Vety Department chhin-chhiahna atanga a lan danin nimin a Vawk thi 63 zinga 16 te hi Chhingchhip khua ami niin Keitum leh Thenzawl-ah 9 ve ve a thi a, Chhiah-tlang-ah Vawk 5 thiin Serchhip Field Veng leh Vengchung-ah 4 ve ve a thi bawk a, Chhim Veng leh Bungtlang-ah pathum ve ve thi bawkin New Serchhip leh Hmar Veng-ah pahnih ve ve a thi a. P&E Veng, Hriangtlang, Chhingchhip Mual-pui, Khumtung, Chhuanthar Tlangnuam leh Hualtu khua ah Vawk pakhat theuh a thi bawk.

Heti hian nimin thleng khan ASF vangin Serchhip District-ah Vawk 2189 a thi tawh a, nimin khan khaw 10-ah Vawk 79 suat ni lehin heng te nen hian ASF hri lenna hmuna Vawk suat tawh chu 1596 a ni a, nimin-a Vawk suat zinga 33 te chu Buangpui khua ami an ni.

Nimin khan ASF hri lenna hmun ni lo ah Vawk thi pakhat awmin Tuichang ami a ni a, ASF hri lenna hmun ni lo-a Vawk thi chu 30 ni tawhin nimin vek khan Tuichang-ah hian Vawk 4 suat a nih bakah Baktawng-ah Vawk 2 suat a ni bawk.

Comments

Chhiar Hlawhte