Latest News

CHILDLINE 1098 Awareness Video Clip tlangzarh

Mizoram Legislative Assembly Speaker, Lalrinliana Sailo chuan nimin khan 'CHILDLINE 1098 Awareness Video Clip' chu nimin khan Video Conference hmangin a tlangzarh.

He Video Clip tlangzarh paha thu a sawi ah Assembly Speaker chuan Child right issue hi thil pawimawh tak leh ram roreltute pawhin keimahni Level theuha kan ngaih pawimawh tur a ni, a ti a. Tun dinhmunah Mizoram-ah ngei pawh naupang chhawm-dawl leh ngaihsak ngai, harsatna tawk engemaw zat an awm tih sawiin, chung naupangte tana biakpawh theiha Childline Team kan nei chu lawmawm a tih thu a sawi a. He Childline 1098 hi Mizo mipuiten tangkai taka kan hman theuh a beisei thu sawiin, he Video hi a tlangzarh a, Video tlangzarh tak hi Childline Aizawl Youtube channel-ah en theih a ni

CHILDINE 1098 hi Ministry of Women and Child Development hnuaia Project pawimawh tak niin India ram hmun hrang hrangah hna a thawk a, Mizoram-ah chuan Centre for Peace and Development te hmalakna in kum 2011 atang khan Aizawl District-ah hnathawh tan a ni a, kum 2015-ah Mamit District-ah hawn belh leh a ni bawk.

CHILDLINE 1098 in a tum ber chu naupang piang hlim atanga kum 18 la pumhlum lo te dikna chanvo humhalhsak niin naupang venhim leh tanpui ngaite tan darkar 24 chhung hna a thawk a. CHILDLINE Aizawl hian kum 2020-2021 chhung khan naupang harsatna nei 474 a tanpui a, Covid-19 avanga ei leh bar tlachham chhungkaw 322 te hnenah ei leh in tur pein tanpuina an pe bawk a ni. Naupang tawhsual tawk leh eng kawng pawha harsatna neite chuan Phone No. 1098-ah emaw, 9774222275-ah emaw hian biakpawh theih reng a ni.

Comments

Chhiar Hlawhte