Tang tlanchhuak Serchhip Police ten an man leh

/

Tunkar Thawhtanni zan-a Serchhip Police te kut atanga tlanchhuak Johan MS. Zuala (34), Serchhip Saron Veng chu nimin khan Serchhip Police ten an man leh.

Tarlan tawh angin Johan MS. Zuala hi rukruk kaihhnawih thubuaia man niin Serchhip District Jail-a enkawl a nih laiin a ban ruh a tliah avangin Serchhip dam-dawi In-ah enkawl a ni a. Tunkar Thawhtanni zan khan amah enkawltu hmeichhia nen Ser-chhip damdawi In bathroom-a inthiar tura an lut chu an tlanchhuak zui ta a ni.

Hetianga tang tlanchhuak an awm avang hian Serchhip Police te chuan chhun zan zawmin man leh ngei tumin hma an la zui a, Serchhip District chhung hmun hrang hranga an zawn hnuah nimin khan Thenzawl leh Sialsuk inkar-a Thlam pakhat-ah a tlanchhuahpui hmeichhia nen hian man niin Serchhip-ah rawn lak nghal an ni a. Serchhip Police te chuan thubuai dang siam belh in nimin vek khan Serchhip District Court-ah hruai nghal a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »