Buh natna tuartute tlawh

Tunhnaia Serchhip District chhunga Buh natna chi khat rawn leng chu Inrinni khan Serchhip-a thuthar thehdarhtu thenkhat te chuan a hmunah an zirchiang a. Heng thuthar thehdarhtu thenkhat te hian Piler khua te Lo neihna hmun chu tlawhin, he Buh natna Rice Blast, Mizo ten Buh hmuih tia an hriat lar rawn lanchhuah dan leh a enkawl dan te Agriculture Department atangin R. Lalrinawma MAS, ADOA bakah Serchhip District FOCUS DMU atangin Lal-lawmpuii SAC leh Sangnunmawia SAC te chuan an hrilhfiah a ni.

He hunah hian Agriculture Department-a mithiam te chuan Buh hmuih chu tunhma lam atanga kan hriat lar ni mah se ngaihsak a ni thin lo tih sawiin, kumin ah erawh ruahtui tlak dan leh sik leh sa awmdan in a zirloh avangin a nasa hle tih an sawi a. Hetiang tuar te chuan Agriculture Department-a hriattir tura chahin, heng Buh natna tuar te enkawl dan pawh a takin an entir nghal bawk a ni.