Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Chuhvel-a State pahnih inepna hmun MZP in an tlawh

MZP General Hqrs. hruaitute chuan Inrinni khan an President, B. Vanlaltana hovin Chuhvel ram-a Mizoram leh Assam nena inrina leh in epna hmun a tlawh.

MZP General Hqrs. thuchhuah siamin a tarlan danin Chuhvel ram-a Mizo Police te inkulhna hmun hi Bairabi to Chuhvel Kawngpui pangngai atangin KM 3 dawna hlaa awm a ni a, kawng a chhe rih hle a. John Halliday-a Phai thlen dawn Hnang lui-ah Lei dawh a nih zet loh chuan Motor pangngai tan Lui kan theih a ni lova. Hnang Lui-ah hian Lei dawh thuai a nih loh chuan ramri venghimtute tan chetvel a harsat phah hle ngei dawn a ni. John Halliday-a Phai atang hian KM 1 chuang zet ke-a kal a la ngai bawk. Mizo Police inkhuarna hmunah hian Tui a harsa hle tih pawh sawiin, Tui a harsat vangin KM 1 chuang dawna hla ah eirawngbawl a ngaih phah a, Ei leh in inpek tawn ngawt pawh hi hahpui tham a tling rih tih sawiin, IR Camp-ah Eng awm lo hi buaipui tham tak a tling bawk tih an sawi.

MZP chuan ramri-a duty te harsatna tawh leh an mamawhte hmuhpuiinan hriatpui tih an sawi a, mamawh hmasa Kawng, Tui leh Eng an neih theih nan chak taka hma la turin Mizoram sawrkar ngenin, “Assam lamin thapui thawha min nek mek lai hian inthlahdah mai lova, ramri venhim kawngah thahnem ngai lehzuala che chhuak turin Mizoram sawrkar a beisei bawk,” an ti a. Ramri venghim tura rammu mek pasalthate mamawh phuhruk a nih theih nan leh sawrkar tha tichak leh zual tura luanchhuah uar turin Mizo mipuite sawmin an ngen bawk.

Comments

Chhiar Hlawhte