Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Hri kai thar 10, Dam 3 awm

Niminpiah khan Serchhip District-ah Co-VID-19 hri kai mi 10 hmuhchhuah niin nimin khan hri kai mi pakhat chu enkawl dam an ni.

Niminpiah khan Serchhip District-a TreuNat Laboratory-ah Sample enfiah 13 enfiah niin hri kai hmuhchhuah an awm lova, Rapid Antigen Test hmangin Sample 88 enfiah ni bawkin heng atang hian hri kai mi 10 hmuh an ni a, an zinga 9 te hi BSF Sipai, tunhnaia State pawn atanga rawn lut niin midang pakhat hi Thenzawl khua, damdawi In-a inentir tura kal a ni.

Nimin khan Nursing School CCC-a hri kai enkawl pakhat chu enkawl damin chhuahtir a ni a, hri kai enkawl dam hi Darnam Veng ami niin ZMC-a enkawl mi 2 chhuahtir an ni bawk. Heti hian nimin thlenga Serchhip District-a hri kai hmuhchhuah chu 756 niin heng zinga 718 te chu enkawl dam an ni tawh a, tunah hian hri kai enkawllai 35 la awmin hri kai zingah nunna chan mi 3 an awm tawh bawk a ni.

Comments

Chhiar Hlawhte