Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Hmuntha khua, Hlumpui Cluster atanga Tomato tharchhuah te hralh turin vailiam a ni

Serchhip District chhung, Hmuntha khua in Hlumpui ram-a Greenhouse Cluster atanga Tomato an tharchhuah te chu nimin khan sengin hralh turin vailiam nghal a ni a. He hun hi Adviser to Chief Minister (Technical) Er. K. Lalsawmvela chuan khuallian niin a hmanpui a ni.


Hlumpui ram Greenhouse Cluster atanga Tomato tharchhuahte sengna leh vailiamna hun hi Adviser to Chief Minister (Technical), Er. K. Lalsawmvela chuan khuallian nia hmanpuiin Serchhip Horticulture Division hmalakna a hmuna a hmuhin fakawm a tih thu sawiin, Hmuntha khua hian kut hnathawh lamah nasa takin hma an lo la tawh thin tih a sawi a. Kan tih ve theih, ranvulh leh thlai tharchhuah chu ram in hma a sawn a, intodelh theihna hnaivai a ni tih sawiin, Ramdang anglo in Mizoram-ah chuan hmun tinah thlai a chin mai theih avangin mitin in kan tih mai theih thil a nih thu a sawi bawk.

Adviser to Chief Minister (Technical) chuan ramngaw thiat lova hmun khata thlai tharchhuah anih theih nan Sawrkar Policy tha tak tak ruahman a nih thu pawh sawiin, sawrkar ruahmanna tha tak tak siam te kan hmang tangkai thiamlo thin erawh pawi a tih thu a sawi a. Sawrkar atanga hamthatna kan dawnte a hmanna tur nilo ah kan hmang fo avangin hlawhtlinna changlo an tam thin tih pawh sawiin, a nihna tur taka hmang te chuan hlawhtlinna an chang ngei ngei thin a ni, a ti a. Sawrkar atanga hamthatna sum an dawn thinte chu a hmanna tur dik takah tangkai taka hmang thin turin kuthnathawktute chu a chah bawk. Loneitute chu kumtin Buh ringawt ching lova sum chang thei thlai chin nachang hre tura chahin, Hripui len laia Aizawl khawpui tana thingtlang lam miten chawhmeh an pe thin chu thil lawmawm tak anih thu a sawi a. Ramri buai avanga ei leh bar lakluhna danchah mai theih anih thin avangin intodelh a tul thu sawiin, State dang atanga mamawh zawng zawng lakluh ngailo tura kan intodelh a tul takzet tih sawiin, helai hmun atanga Tomato tharchhuah te chu hralh turin a vailiam nghal a ni.

Nimin-a Hlumpui ram-a Tomato chin sengna leh vailiamna puala inkhawm hi Serchhip DHO, M. Vanlalzami chuan kaihruaiin Hmuntha Village Council President, Lalbiakthanga Pachuau leh Greenhouse Cluster enkawltute hnen atanga thusawi ngaihthlak nih bakah Hannah Lalrohlui Betlu, Block Horticulture Officer Serchhip chuan Kuthnathawktu ten Horticulture Department kaltlanga hma an lak dan hrang hrang a sawi  bawk.

He huna tarlan a nih danin Hlumpui Cluster-ah hian chhungkaw 13 awmin chhungkaw tin hian Greenhouse pathum theuh, a vaiin Greenhouse 39 an enkawl a, tunah hian Tomato Quintal 17 zet thar tawhin quintal 150 chuang tharchhuah leh an inbeisei thu an sawi a. Kuthnathawktu ten Shifting Cultivation an bansan theih nan leh Off-Season ah pawh hlawk taka thlai chin theih anih thu Horticulture Department hotute chuan sawiin, Hlumpui Cluster-a Greenhouse 39 hi Mission for Integrated Development of Horticulture (MIDH) hnuaiah kumin April thla khan sa zo in Pradhan Mantri Krishi Sinchai Yojana (PMKSY) hnuaiah Drip pek vek an nih thu an sawi bawk.

Comments

Popular News (Last 30 Days)