Hri kai thar 3, Enkawl dam 9

Niminpiah khan Serchhip District-ah hri kai mi 3 hmuhchhuah niin nimin khan hri kai mi 9 te chu enkawl dam an ni thung.

Niminpiah khan Serchhip District-a TrueNat Laboratory-ah Sample 27 enfiah niin heng atang hian hri kai mi pakhat hmuhchhuah a ni a, Serchhip Bazar Veng ami niin hri kai tawh nen inkawmhnaihna nei a ni. Hei bakah hian Rapid Antigen Test hmangin niminpiah khan Sample 82 enfiah niin hri kai mi 2 hmuh an ni bawk a, Chhingchhip khua ve ve niin, pakhat hi hri kai tawh nen inkawmhnaihna nei leh pakhat hi hri kaina hriatloh a ni thung.

Nimin khan Serchhip District-a hri kai mi 9 te chu enkawl dam niin anmahni enkawlna hmun atanga chhuahtir an ni ve leh thung a, heng hri kai enkawl dam te hi New Serchhip Kikawn ami niin Nursing School CCC-a enkawl te an ni.

Heti hian nimin thlenga Serchhip District-a hri kai hmuhchhuah chu mi 744 an tling ta a, heng zinga 709 te chu enkawl dam ni tawhin tunah hian hri kai enkawllai 32 an la awm mek a, hri kai zingah nunna chan mi 3 an awm tawh bawk a ni. Serchhip District-a hri kai enkawllai zinga mi 19 te hi Nursing School CCC-a enkawl niin IAH Thenzawl-ah mi 2, 4C Chhingchhip-ah 5 leh ZMC-ah mi 4 niin In lama enkawl mi 2 an la awm mek bawk a ni.