Latest News

Hri kai enkawlna atanga chhuah dan tur pawm tawh

Mizoram-a COVID-19 hri kai enkawl te enkawlna hmun atanga chhuahtir dan tur ruahmanna thar chu pawm ni tawhin sawrkar in hriattirna a tihchhuah veleh hman a ni ang.

Thudawn danin rawtna tharah chuan India ram hmun dang ang leh khawvel ram hrang hranga an kalpui angin natna langchhuak lo (asymptomatic) leh natna lang chhuak nasa lo (mild symptomatic) te chu natna hrik hmuhchhuah a nih atanga ni 10 chhung uluk taka vil an ni ang a, hemi hun chhunga a tawp lam ni 3 chhung Khawsik an neih loh chuan ni 10-na ah test tawh lovin chhuahtir (discharge) an ni ang a, mahni In lamah uluk taka inchik chungin nunphung pangngai an zawh thei ang. Heng bakah hian hri kai chhuahtir chungchangah rawtna chi hrang hrang siam ni bawkin, heng atang hian sawrkar chuan ruahmanna a siam dawn a ni.

He ruahmanna thar hi hman a nih hunah chuan hri kai dam tawh chhuahtir an pung chho chak hle tura ngaih a ni a. Hri kai enkawlna hmun te pawh a thawl chak anga, hri vei na zualte enkawltu pawh an indaih zawkin enkawlna tha zawk an pe thei tura ngaih a ni.

Comments

Chhiar Hlawhte