Latest News

Zirlai harsa te hnenah MSU in Mobile Phone pe

Mizo Students’ Union (MSU) General Hqrs. chuan 'MSU Smartphone for BPL/AAY Students' an kalpui mekah nimin khan a thawh khatna atan Mobile Phone an semchhuak.

COVID-19 hri leng avanga zirlaiten Online Class an kal tak avangin zirlai harsa zual tak tak ten zirna an chhunzawm theih nan MSU chuan Smartphone hmanga luanchhuahna tur, 'MSU Smartphone for BPL/AAY Students' hi an ruahman a, hri leng avanga inkalpawhna a harsat avangin nimin khan AMC area zirlaite tan Smartphone sem thawh khatna neih a ni a, he hunah hian zirlai 13 thlanchhuah te pek an ni.

Mobile Phone semna hun hi Aizawl Press Club-ah neih niin 3:16 Plan Solution Proprietor, John Lalpeka chuan khuallian niin Mizo thalaite tana malsawmna ni thei tura luanchhuah a chak thin thu sawiin, zirlai kalkhawmte chu tumruhna nena lehkha zir turin a fuih a ni.

He hunah hian MSU President, J. Lalmuanzuala chuan Smart-phone for BPL/AAY Students chu zirlai harsa zual tak takte tana kalpui a nih thu sawiin, MSU kaltlanga mi inphal te chungah lawmthu a sawi a, Smartphone dilna hi tunkar hun chhung bak dilna dawn a nih tawh loh tur thu sawiin, a sem thawhhnihna hi a rang lama kalpui vat a nih tur thu a sawi bawk.

Comments

Chhiar Hlawhte