Latest News

COVID-19 hri danna la thei chin zawng ten hri danna la vek turin Serchhip CMO in a sawm

Image
Serchhip District Chief Medical Officer Dr. Laldawngliana Sailo chuan COVID-19 chu theihtawp chhuaha kan do chung pawha kan do hnehloh a ni tih sawiin, chumi dona hmanraw pawimawh tak chu hri danna laka ni tih a sawi a, hri danna la thei chin te chu la vek turin a sawm bawk.

Model atana an duh khawp inremna a ni - CM

Chief Minister Zoramthanga chuan India sawrkar leh MNF inremna chu ramchhung mai ni lo, Myanmar ram leh hmundang pawhin-a entawn, Model atana an duh khawp inremna a ni tih a sawi.

Nimin-a MNF leh India sawrkar inremna champha, Remna Ni vawi 35-na puala thuchah a sawi ah Chief Minister, Zoramthanga chuan mipuite chu Remna ni chibai bukin, he remna hi remna hlawhtling ber, ramchhunga remna siam tawh zinga hlawhtling lawt lak, ramchhung mai ni lo, Myanmar ram leh hmundang pawhin-a entawn, Model atana an duh khawp inremna a ni tih hi sawiin, hetiang inremna hi mite entawn tur tha tak a ni tih a sawi a, “Mipuite tawngtaina a ni a, Kohhrante tawngtaina a ni a, NGO leh Political party hrang hrang, mi hrang hrangte thawhna leh tawngtaina rah a ni,” a ti bawk.

Chief Minister chuan he inremna hnuaiah hian Mizoram chu UT atangin State-ah a lut tih sawiin, State-ah pawh inhumhalhna tha bik Article 371(G) ang leh a dang ang angte pawhin tha deuh mai kan nei ta tih a sawi a, “Hei hi Mizoten kan duhthusam ang thlap a ni lova, India sawrkar duhthusam pawh a ni lova, amaherawh chu mipuiten-a 'siam rawh u, in inrem theihna apiang chu kan pawm thei ang tha kan ti e,' an tih khan Pathian in kan sirtluk tawnna tur inremna min pe niin kan hria a, a tu-a te duhthusam mah ni lo mahsela a ropui, Pathian in a tawk a tih a ni,” tiin “Kan Pathian in min vengin min hruai zel ang tih ka ring a, kawng chanve ah Zoram Kristiante hi a hnathawk tur hian min kalsan lovang tih i ring tlang ang,” a ti bawk.

Comments

Chhiar Hlawhte