MSU in zirlaite chawimawi

/

Mizo Students’ Union (MSU) General Hqrs. chuan kumin a Higher Secondary School Leaving Certificate (HSSLC) result chhuaka Mizo Top 3 te hnenah nizan hmasa khan chawimawina an hlan.

Zirlai tithate chawimawina hun Ignite Studio, Aizawl-a neih hi Sports Minister, Robert Romawia Royte chuan khuallian nia hman-puiin zirlai lawmpuite chu Mizo hnam leh Mizo-ram tana hual an nih thu sawiin, an zir zelna tur kawngah hlawhtling tlaka theihtawp chhuah chhunzawm zel turin a chah bawk.

MSU in zirlai titha chawimawina hun an buatsaih ah hian Arts Stream-ah zirlai pathum, Science Stream-ah zirlai leh Commerce-ah zirlai 3 te hnenah chawimawina an hlan a, MSU Award & Special Award hlanna hun neih nghal niin MSU Special Award 2021 chu ri hriatna tha lo, beng-ngawng chunga Govt. Kolasib High School atanga HSLC Distinction-a pass HK. Lalrinawmi hnenah hlan niin MSU Award 2021 chu B. Sangkhumi (Padma Shri Award) dawng tura thlan hnenah hlan a ni bawk.

He hunah hian MSU General Hqrs. President, J. Lalmuanzuala chuan zirlai dinhmun harsa zualte tana Online Class an kal ve theihna turin ‘MSU Smartphone for BPL/AAY Students Scheme’ chu hawnna a nei nghal a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »