ASF vangin Vawk 69 thi leh

Serchhip District chhunga African Swine Fever (ASF) hri lenna hmunah nimin khan Vawk thi 69 awmin Vawk 60 suat leh a ni bawk.

AH & Vety Department chhinchhiahna atanga a lan danin nimin khan ASF hri lenna khaw 26 zinga khaw 14-ah Vawk thi 69 a awm a, Vawk thi tamna ber New Serchhip-ah Vawk 18 thiin, Chhingchhip-ah Vawk 13, Thenzawl-ah 12 leh Keitum-ah 10 a thi a. Bungtlang-ah 3 thiin Chhiahtlang, P&E Veng, Chhim Veng leh Khumtung-ah 2 theuh thiin Dinthar, Field Veng, Chhingchhip Mualpui, Vengchung leh Chhuanthar Tlangnuam-ah te pakhat theuh a thi bawk a. Heng te nen hian nimin thlengin Serchhip District-ah ASF vangin Vawk 2126 a thi tawh a ni.

Nimin khan ASF hri lenna khaw 11 ah Vawk 60 suat leh a ni bawk a, heng te nen hian ASF hri lenna hmuna Vawk suat chu 1517 a ni ta bawk a. Vawk hri lenna hmuna puan ni lo ah nimin khan Vawk thi pakhat awm bawkin hri lenna hmun-a puan ni lo ah hian Vawk 29 lai thi tawhin Vawk 2 suat a ni tawh bawk a ni.