Latest News

Karleh ah Zirlaibu sem dawn

Academic Session thar-a zirlai naupangte hnena a thlawna zirlaibu sem tur chu karleh lam khian semchhuah theih beisei a ni.

Serchhip District Education Officer leh Samagra Shiksha Serchhip District-a DPC ni bawk, Zohmangaihi hnen atanga thu kan dawn danin Samagra Shiksha kaltlanga Zirlaibu semchhuah tur hi tunah hian Aizawl lama atangin Zirlaibu sem tur trip 4 rawn thleng tawhin nimin atang khan semchhuah tura buat-saih a ni a, kumin hian Serchhip District-a Primary School 66-a zirlai 1935 te hnenah sem tura ruahman niin Middle School 53-a zirlai 2996 te hnenah sem tura ruahman a ni bawk a, karleh lam khian zirna In te hnenah pechhuakin zirlaite hnenah sem nghal theih tura ruahman a ni a, ruahman lawk ang chuan Thawhtanni khian Serchhip khaw-pui chhung ami te pekchhuah an ni dawn a, kar tluan a chhunzawmin District chhung khaw tinah pekchhuah hman vek tum a ni ang.

Serchhip DEO chuan Mid-Day Meal pawh zirlaite hnenah semchhuah chhunzawm zel a ni tih sawiin, Mid-Day Meal hi Sawrkar School bakah Govt. Aided School-ah te sem a nih thu a sawi a, tunah hian Primary School 76-a zirlai 3266 leh Middle School 67-a zirlai 3467 te hnenah semchhuah anih thu a sawi bawk.

Comments

Chhiar Hlawhte