Mizoram mamawh lut tur ala khaihlak mek

COVID-19 hri kai nasa taka pung chho mekin Mizoram a tihbuai viau laiin, ramri-a buaina chuan nasa takin a nghawng zui mek.

Tun dinhmunah Mizoram-a lo lut tur nitin mamawh phur lirthei te Assam ram chinah danbeh vek an nih avangin Mizoram sawrkar chuan mipuite inrenchem turin a hriattir a, mamawh lalut turin a theih dang angin ruahmanna a siam mek a ni. Hriat theih chinah Mizoram-a lut tur LPG phur Truck 12 te chu Borkhola (Assam)-ah an tang mek a, NFSA leh PMGKY buhfai rawn phur Wagon 21, niminpiah-a Mizoram lo thlengtur te chu Hailakandi District, Assam-ah Rel kawng tihchhiat anih avangin an lo thleng theilo bawk a ni. 

Silchar-a DRC chuan COVID-19 bungraw hrang hrang Oxygen phur Truck 2 leh Pick-up pakhat a tang a, RAgT Test Kit phur te pawh an tang bawk a, heng bakah hian Oil Tanker 2 leh Ration phur Truck te an tang a, Mizoram House-ah hian Khualzin mi 25 an inhum mek bawk.

Comments

Chhiar Hlawhte