District tinah hri kai enkawlna damdawi In siam phut

/

ZPM Thalaite chuan COVID kai te enkawlna tur damdawi In siam belh turin sawrkar an phut tih an sawi.

Nimin a thuchhuah an siam ah ZPM Thalaite chuan COVID hripuiin kum khat chuang min chenchilh hnuah pawh pawh COVID kai enkawlna Damdawi In Aizawl District-ah chauh a awm chuan MNF sawrkâr, Zoramthanga kaihhruai in mipuite nunna a hlut tawk lo zia a târlang chiang hle tih an tarlang a. Sawrkâr hian hri do kawngah leh a mite hri laka an himna kawngah a theihna chanve pawh a la hmang lo tih chu an dinna ala ni tih sawiin, Central sawrkâr atanga Mizoram sawrkârin tanpuina a hmuh thin hlawm lian pahnih Post Devolution Revenue Defecit Grand leh Share of Central Tax-ah beisei zat an hmuh lai leh, Share of Central Tax-ah phei chuan beisei zat aia tam sum an hmuh theih laia Vawiin thlenga hrikai enkawlna Damdawi In Mizoram District-te'n kan hming kima kan la nei thei lo chu Health Minister inthlahdah vâng liau liau ah an ngai tih an sawi a. “District tinah hri kai enkawlna Damdawi In pakhat aia tlem lo a rang lama siam turin Mizoram sawrkâr kan phut a ni,” tiin an thuchhuah ah chuan an tarlang bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »