ASF vangin Vawk 79 thi leh

Nimin khan Serchhip District-a ASF hri lenna khaw 9-ah Vawk thi 79 zet a awm leh a, heng bakah hian ASF hri lenna hmun-a la puan loh ah Vawk thi 10 zet a awm bawk.

Nimin-a Vawk hri, African Swine Fever (ASF) vanga Vawk thi 79 zinga 10 te hi Thenzawl khua ami te niin nimin thleng khan Thenzawl khua ah hian ASF vangin Vawk 537 zet a thi tawh a, hei bakah hian nimin khan Vawk 21 suat bawkin nimin thleng khan Vawk 373 zet Thenzawl khua ah hian suat a ni tawh bawk a ni.

Nimin khan Serchhip P&E Veng-ah ASF vangin Vawk 14 a thi leh bawk a, hei bakah hian Chhingchhip Mualpui-ah Vawk 6 thiin Keitum leh Serchhip Kawnpui-ah 5 ve ve, Chhiahtlang leh Chhim Veng-ah 3 ve ve leh New Serchhip-ah pakhat a thi leh bawk a ni. Nimin vek khan Serchhip District-a ASF hri lenna khaw 19 zinga khaw 10-ah Vawk 64 zet suat leh a ni bawk.

Nimin khan Serchhip District-a ASF hri lenna hmun ni lo khaw 4-ah Vawk thi 10 lai awm bawkin heng te pawh hi ASF vang nia rin a ni bawk a, Bungtlang-ah Vawk 5 thiin Buangpui leh Khumtung-ah pahnih ve ve leh Buhkang-kawn-ah pakhat a thi a. ASF hri lenna hmuna la puan loh khaw 4-ah Vawk 15 suat leh a ni bawk.