Court function thuai rel

Consumer te thubuai ngaihtuahtu, 'District Forum' chu 'District Commission' tia thlak a nih hnuah Serchhip District Commission President atana ruat thar, Dr. HTC. Lalrinchhana hovin nimin khan Serchhip District Consumers Association te chuan Virtual Meeting an nei a. He hunah hian Consumer Court-a Case pending neih lai te pawh tinung thar lehin Court hi function leh thuai turin hmalak nise an ti a ni.

Serchhip District Commission-ah hian Consumer te thubuai ngaihtuah turin Member 3 an awm a, President chu Dr. HTC. Lalrinchhana, Senior Judge Aizawl niin K. Lalrinchhana leh K. Zoramchhani, New Serchhip te chu Member an ni a. Serchhip District chhunga hian Court President lam remchanloh thin avangin tun-hnaiah Consumer Court thut hleih theih a ni lova, tunah hian President thar chu sawrkar in a rawn dah leh ta a ni.