Hri kai mi 5 hmuh belh leh

Zonuna Kawlni /

Niminpiah-a Sample enfiah atangin Serchhip District-ah COVID-19 hri kai mi 5 hmuh belh leh an ni.

Niminpiah khan ZMC-a RT-PCR Laboratory-ah Serchhip District atanga Sample thawn 66 enfiah niin heng atang hian hri kai mi 4 hmuh an ni a, hri kai hmuhchhuah te hi BSF Sipai te niin tunhnaia State pawn atanga rawn lut leh inkhunghrang lai an ni. Niminpiah khan TrueNat Laboratory-ah Sample 23 enfiah niin hri kai hmuh an awm lova, Rapid Antigen Test hmanga Sample enfiah 97 zingah hri kai pakhat hmuh ni thungin Thenzawl khaw mi, tunhnaia Aizawl-a zin haw leh taksa-a hri kai lanchhuahna nei a ni.

Serchhip District-a hri kai hmuhchhuah ZMC-a enkawl zingah nimin khan mi pakhat chu enkawl dam niin he thu buatsaih lai thleng hian hri kai hmuhchhuah thar an awmlo thung.

Heti hian nimin thlenga Serchhip District-a COVID-19 hri kai hmuhchhuah chu 762 niin an zinga 737 te chu enkawl dam an ni tawh a, tunah hian hri kai enkawllai mi 22 la awmin hri kai zingah nunna chan mi 3 an awm tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »