Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Ni 2 awh tur Online Workshop neih a ni

Indian School Psychology Association (InSPA) Mizoram leh Directorate of School Education tangdûn buatsaih Mizoram chhunga Secondary School Teacher-te tân ni hnih awh tur 'International Online Workshop on Issues in School Psychology' chu nimin khan neih tan a ni.

He Workshop hi School Education-a Secretary leh InSPA Patron, Dr. Lalzirmawia Chhangte chuan hawngin COVID-19 hripui len lai leh nunphung pangngai a khaihlak laia hetiang programme ruahman a ni chu tha a tih thu a sawi a. Thalaite khawvelah psychology hi a pawimawh thu a sawi a. He hunah hian School Education Director, James Lalrinchhana pawhin tunlai boruak nena inmil thupui pawimawh tak tak hmanga International Online Workshop neih a ni chu lawmawm a tih thu a sawi bawk.

He Online International Workshop-ah hian Mizoram District 11 atanga Secondary School hrang hrang atangin Zirtirtu pahnih - mipa pakhat leh hmeichhia pakhat zel tel tura tih an nih angin Zirtirtu 1057 an tel thei a, YouTube atangin mi engemaw zatin an lo thlir bawk a. Online Workshop hi Secondary School level-a International Online Workshop neih vawi hnihna niin, zirtirtuten zirlaite ah an putdarh leh tur thu tha tak tak, tangkai tak leh hman nghal tur thil zirho a ni.

Comments

Chhiar Hlawhte