MBOCWWB kaltlangin mi 5 te chhawmdawl an ni tawh

Mizoram Building and Other Construction Worker Welfare Board hnuaia inziaklut zinga COVID-19 vanga harsatna tawk mi 5 te hnenah COVID-19 Package pek an ni tawh.

LESDE Minister, Lalchhandama Ralte chuan, LESDE hnuaia Mizoram Building and Other Construction Worker Welfare Board Member ten COVID-19 an tawha chungah hian hamthatna engemaw zat an duan thu sawiin, Worker Welfare Board member mi 6,000 vel an awm thu leh an member te COVID-19 vanga an boral a nih chuan cheng nuai 3-a an ral dawn thu sawiin, COVID-19 hri kai, CCC a ni emaw, damdawi In-ah emaw enkawl ngai an awm a nih chuan an inenkawl chhung atan nitin Rs.1000 an pek tur thu te, enkawlna hmun an chhuahsan hnua hna bul an tan hunah hamthatna dang Rs.10,000 an pek tur thu a sawi a. Tun tum COVID-19 Second Wave-ah hian member mi 5 in hamthat an dawng tawh tih a sawi a. Aizawl District-ah dilna 22 a awm mek thu leh Lunglei District atangin pakhat in an dil mek a, COVID-19 vanga thi hnenah chhawmdawlna pek an la ni lo tih a sawi bawk.

Minister hian LESDE hnuaia Mizoram Building and Other Construction Worker Welfare Board member mi 5000 hnenah Rs.3000 theuh chhawmdawlna pek an nih tawh thu leh a vaiin cheng vbc. 15 vel sen a ni tih a sawi a, hei bakah an member chhungkaw tinte hnenah buhfai pek a nih tawh thu a sawi bawk.

Hetihlai hian Labour Beneficiaries Association, Mizoram chuan thuchhuah siamin heng hmalakna te hi lawmawm an tih viau rualin kum 2020-a Scho dil tawh leh sanction tawh, Bank Account-a lut mumallo chu a rang lama thun sak an duh thu leh an hamthatna dang-a pawisa pek an ni lawk thin lo te chu enfel an duh thu te an sawi thung a ni.