Latest News

Hri leng dona kawnga Mizoram inbuatsaih dan zirchiang tur ten Mizoram an rawn tlawh

COVID-19 hripui leng dona kawnga Mizoram sawrkarin hma a lak dan leh a inbuatsaih dan rawn zirchiang tur Central Team of Experts Member pahnihte chuan nimin khan Health & Family Welfare Minister, Dr. R. Lalthangliana chu a Pisa-ah an kawm.

Expert lo kalte hi Dr. Vinita Gupta, Epidemiologist, IDSP and Nodal Officer for Mizoram, NCDC, Delhi leh Dr. Shiva Kumar Chimtla, Chest Physician, Dr. RML Hospital, New Delhi te an ni a. Mizoram-in hripui leng dona kawnga hma a lakna kawng hrang hrang Sample Test, Contact Tracing, Containment Zone kalpui dan, COVID Appropriate Behaviour, Damdawi In hrang hrangte inbuatsaih dan leh thil pawimawh dangte an zirchiang ang a, an thil hmuh leh zirchianna atanga report leh recommendations an neih te sawrkar laipui-ah an thlen bakah an haw thlak leh hmain sawrkar Official pawimawh te nen an sawiho bawk anga. July ni 20, 2021 khian Mizoram an chhuahsan leh dawn a ni.

Health Minister Dr. R. Lalthangliana chuan Central Expert Team te chu lo lawmin Mizoram-ah an rawn kal theihnan ngaihtuahna an sen mek laia an rawn thleng chu lawmawm a tih thu a sawi a, an thil zirchianna chuan Mizoram-in hripui a dona kawnga awmzia a neih ngei leh Mizoram-in a tangkaipui ngei a rin thu a sawi bawk.

Nimin-a an inkawmna ah hian Health Minister hi Health Secretary R. Lalramnghaka, NHM Mission Director Dr. Eric Zomawia, IDSP Nodal Officer Dr. Pachuau Lalmalsawma leh Health Department hotu pawimawh ten an tawiawm a ni.

Comments

Chhiar Hlawhte