Tuikum tui lakna tifai

PHE Serchhip WATSAN Division-a thawk te chuan Serchhip khawpui chawmna atana Tuikum tui an lakna hmun tihfai hnatlang Inrinni khan an nei.

PHE Department in Tuikum tui an lakna hmun, Water Treatment Plant (Tuikum lui, tui tih thianghlimna leh a pump-na)-ah hian Tuisem tur sawngbawl leh pump chhuah te tibuai silovin Water Production Unit Shutdown neiin tihfaina hun hi an nei a ni. Department-a thawktute hian heng hmun tihfaina hun remchang hi Fur-ah bak an neih theih meuh tawhloh avangin he hnatlang hi an nei a, he hunah hian Er. Samuel LR. Ralte Sr. SDO in hovin Sectional Officer 5 leh Staff 48, an vaiin mi 53 an thawk-chhuak a, an zingah hian Serchhip Town chhunga tuisem-tute, shift duty te, Emergency Team leh Building Team te pawh an tel a, a hma niin Er. F. Lalsanglura Sr. EE hovin hnathawh tur hi te enfiah hmasak vek a ni bawk.