Chhuanthar Tlangnnuam-ah hri kai hmuh belh zel

Serchhip District chhunga Baktawng Tlangnuam (Chhuanthar) ah COVID-19 hri kai hmuhchhuah thahnem tak an awm avangin nimin khan nimin khan a khaw pum Sample la-a enfiah hna thawh tan a ni.

Thingsulthliah CHC-a Medical Officer, Dr. Lawrence Lalramenga sawi danin July 15, 2021 khan Chhuanthar mi 3 te chu Aizawl Vanapa Hall Mega Kiosk leh Trinity Hospital-ah RAgT Negative Certificate an mamawh avangin an Sample enfiah a ni a, hetah hian COVID-19 hri an kai tih hmuhchhuah a nih avangin a tuk, July 16 khan Baktawng khua ah a hma ni-a positive hmuhchhuahte lo kawm hnaih zawng chu RT-PCR test neiin hemi rual hian Chhuanthar atangin COVID-19 Symptom nei mi 18 te RAgT neih nghal a ni bawk a, chung zingah chuan mi 16 te chuan hri an kai tih hmuhchhuah a ni.

Hetianga hri kai hmuhchhuah an awm tak nual avang hian a tuk, July 17 khan COVID-19 Positive Contact Symptom nei mi 88 chu RAgT hmanga enfiah lehin hri kai mi 24 hmuhchhuah leh an ni a, July 18 ah hri kai hmuhchhuah awm lovin July 19-ah hri kai mi 4 hmuh leh an ni a, July 20-ah mi 188 te Sample enfiah lehin hri kai mi 62 zet hmuh an ni leh a, niminpiah khan Chhuanthar Tlangnuam-ah hian hri kai mi 54 hmuh leh an ni a. Hetiang hi an dinhmun a nih avangin nimin khan Mass Testing hi kalpui a ni a. Chhuanthar-ah hian mi 2224 chengin nimin tlai dar 5:00 thlenga Sample test 1255 zingah COVID-19 hri kai mi 80 (6.37%) hmuhchhuah tawh an ni a, Sample Test hi kalpui chhunzawm zel a ni.

Chhuanthar Tlangnuam hi Serchhip District chhung ami ni mah se Health Department ramri then ah Thingsulthliah CHC hnuaia awm an nih avangin an Case zawng zawng hi Aizawl District Case-ah chhiar a ni.