Medical Team tir turin Minister an ngen

Tunhnaia COVID-19 hri kai tam tak hmuhchhuahna Lawngtlai District chhunga Longpuighat khawtlang chuan, Health Minister hnenah an khua ah Medical Team tir tur leh Longpuighat PHC chu a nih dan tur anga kalpui thuai turin an ngen.

Longpuighat khawtlang aiawhte hian Health Minister hnenah hian niminpiah khan lehkha thawnin an ngenna te hi an thlen a, he lehkha ah hian Longpuighat-I leh II Village Council President ve ve, Young Chakma Association (YCA), Mizoram Chakma Students' Union, Chakma Mahila Samiti leh VLTF aiawhten hming an ziak a ni.

VLTF ten thuchhuah an siam ah an tarlan danin tun dinhmun ah Longpuighat-ah hian COVID-19 hri kai 312 an awm mek a, natna dang a tam bawk avang te, Longpuighat chu tlawhpawh theihloh a siam mek a nih vangin harsatna an tawk nasa hle a, hei vang hian Sawrkar chuan ngaihven rang se an duh thu an sawi bawk a ni.

Comments

Popular News (Last 30 Days)

Serchhip DCSO sawn a ni