Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Hri kai 8 hmuh belh leh

Nimin khan Serchhip District-ah Rapid Antigen Test hmangin hri kai mi 8 zet hmuh leh an ni.

Nimin-a Serchhip District-a hri kai hmuh te zinga mi 5 hi Chhingchhip-a hri kai hmuh te niin Serchhip-ah 2 leh Thenzawl-ah hri kai pakhat hmuh an ni a, TrueNat Laboratory-a Sample enfiah result erawh he thu buatsaih lai hian hriat hman a ni lo thung.

Nimin khan Serchhip District-a CO-VID-19 hri kai enkawl mi 7 te chu hri lakah fihlimin Nursing School CCC atanga chhuahtir an ni ve leh bawk a, heng hri kai enkawl dam zinga mi 6 te hi Serchhip Darnam Veng ami niin midang pakhat hi SGI Company hnuaia thawk a ni thung.

Heti hian nimin thleng khan Serchhip District-a COVID-19 hri kai hmuhchhuah chu 732 niin heng zinga 688 te chu enkawl dam an ni ta a, tunah hian hri kai enkawllai mi 41 la awmin hri kai zingah nunna chan mi 3 an awm tawh bawk a, Serchhip District-a hri kai hmuh tawh atanga chhutin za zela 93.98 te chu enkawl dam an ni tawh a ni.

Comments

Chhiar Hlawhte