Mizoram-ah COVID-19 hri kai 625 hmuh leh an ni

Niminpiah khan Mizoram-ah Sample 4378 enfiah leh niin heng atang hian COVID-19 hri kai mi 625 hmuhchhuah leh an ni a, Sample enfiah atanga za zela 14.27 te chuan hri hi kaiin Mizoram-a COVID-19 hri kai hmuhchhuah chu 29,645 an ni tawh a ni.

Niminpiah khan ZMC-a RT-PCR Laboratory-ah Sample 1543 enfiah niin heng atang hian COVID-19 hri kai mi 90 hmuhchhuah an ni a, an vai hian Aizawl District-a Sample lak vek niin Veng mal-a hri kai hmuh tamna ber Zuangtui-ah hri kai mi 14 hmuh an ni a, hri kai tawh nen inkawmhnaihna nei deuh vek niin State pawn atanga rawn haw mi pakhat awmin Negative Certificate duh vanga Sample enfiah atanga hri kai tih hriatchhuah mi pahnih an awm bawk a ni.

District hrang hranga TrueNat Laboratory-ah Sample 434 enfiah niin hri kai mi 61 hmuhchhuah an ni bawk a, an zinga 23 chu Lunglei District ami niin Siaha District-ah 22, Lunglei District-ah 8, Champhai District-ah 5, Kolasib District-ah pahnih leh Serchhip District-ah pakhat hmuhchhhuah an ni.

Niminpiah khan Mizoram hmun hrang hrangah Rapid Antigen Test hmangin Sample 2401 enfiah niin hri kai mi 474 hmuhchhuah an ni a, an zinga mi 256 te chu Aizawl District ami te niin hri kai hmuhchhuah tamna ber Chanmari West-ah mi 28 hmuh an ni a, Tuikual South-ah 21, Bungkawn Vengthar-ah 18, Bethlehem Veng-ah 14, Bawngkawn-ah 13, Ramhlun Venglai-ah 11 leh Falkland-ah Khatla-ah mi 10 ve ve hmuh an ni bawk. Lunglei District-ah pawh hri kai mi 113 zet hmuh an awm a, an zinga mi 67 te chu Kawrpuichhuah ami niin midang 41 chu Lunglei khawpui chhung ami an ni bawk. Mamit District-ah pawh hri kai mi 33 hmuh an ni a, Lawngtlai District-ah hri kai mi 24 hmuh niin Kolasib District-ah mi 20, Champhai District-ah mi 13, Siaha District-ah mi 9 leh Serchhip District-ah mi 6 hmuh an ni bawk.

Heti hian nimin thlenga Mizoram-a hri kai hmuhchhuah chu mi 29,645 niin nimin khan hri kai mi 295 te chu enkawl dam an ni leh a. Heti hian nizan dar 10:00 thlenga Mizoram-a hri kai enkawl dam chu 22,617 niin hei hi hri kai hmuhchhuah a\angin zaa 76.29 a ni a, tunah hian hri kai enkawllai 6898 an la awm mek a ni.

COVID-19 hri kai zingah mi 130 an boral tawh :

Mizoram-a COVID-19 hri kai zingah mi 130 zet an boral tawh. Nimin zing dar 6:05 khan Khamliana (87), Armed Veng South chu ZMC-ah COVID-19 vanga boralin nimin zing dar 7:20 khan MT. Lawia (98), Rengtekawn, Kolasib chu Kolasib-ah a boral bawk a, nimin chawhnu dar 2:20 khan Lalramliana (44), Bawngkawn chu ZMC-ah a boral ve leh bawk a ni.