Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

MDC 9 ten CADC CEM bang tuin an ngen

Chakma Autonomous District Council (CADC)-a MNF kaihhruai sawrkar dinglai chuan harsatna a tawk leh dawn niin a lang a, CEM nilai Durja Dhan Chakma chu CEM a nihna atanga bang turin MDC 9 ten an ngen.

Chakma Autonomous District Council-ah hian kumin March 29 khan khatihlai a Chief Executive Member (CEM), Rashik Mohan Chakma chuan CEM atanga banna a thehlut a, hemi tum hian CEM atanga bangta chuan Lawngtlai-a AIR/DD Palai, Lalngheta Ralte zawhna chhangin, MNF Party-ah hruaitu insiamrem a tul vanga bang a nih thu leh lungawilohna vanga bang a nihloh thu a sawi a, hemi hnu April 6 khan Durja Dhan Chakma chu CADC-a CEM atan lakluh a ni zui ta a ni.

Hetianga CADC-a Durja Dhan Chakma sawrkar a kal mek lai hian niminpiah khan khan rorellai MNF MDC 9 te chuan CEM, Durja Dhan Chakma chu CEM a nihna atangin inhnukdawk turin an ti ve leh ta a. CEM bang tura an tihna lehkha ah hian CADC-a CEM hlui, Rashik Mohan Chakma leh hudha Lila Chakma te pawh an tel a ni. Niminpiah vek khan CEM, Durja Dhan Chakma chuan Executive Committee thuchhuak angin Adviser to CEM, Buddha Lila Chakma leh Adviser to Planning & Development Committee, Ajoy Kumar Chakma chu an nihna dinhmun atangin banna a pe thung a ni.

MDC Seat 20 awmna CADC-ah hian rorellai MNF MDC 18 leh BJP MDC 2 an awm mek a ni.

Comments

Chhiar Hlawhte