Latest News

NH. 54 kawng siam enfiah

Serchhip Dinthar Veng, Sesah lui ruam-a National Highway-54 kawngchhe lutuk chu KRAM Infracon Pvt. Ltd. chuan an mamawh ang hmanrua an hmu a nih chuan Vawiin atanga siam-that hna an thawh theih tur thu an sawi.

Tunhnaia KRAM Infracon Pvt. Ltd. ten Sesah ruam kawngpui an siam hi nimin tlai khan Serchhip Sub-Hqrs. YMA Vigilance & Monitoring Committee chuan a hmunah enin hnathawktute nen tha zawka hna thawh anih theih dan tur an sawiho a. Helai kawngpui hi Serchhip khawpui chhunga NH. 54 siamthat a nih tum khan siamthat zingah tel lovin PCC/RCC hmanga siam tura tih a ni a. Amaherawh chu siam a nih tak mai loh avangin tunhnai khan YMA te chuan kawngpui enkawltute hi kawmin mipui harsatna sutkian a nih theihna turin kawng chhe zual laiah hian GSB chhung turin ruahmanna siam tlan a ni a.

Amaherawh chu kawngpui-ah hian GSB hi chhung lovin Stonedust chhun a ni ta thung a, hei hian kawngpui hi nasa taka a tih diak tak avang leh lirthei ke hnih nei tan phei chuan tlan a harsat avangin nimin tlai khan YMA Sub-Hqrs. Serchhip hian helai hmun hi tlawhin Company lam atangin General Manager, Site Engineer leh Liaison Officer te rawn telin Serchhip Dinthar VC te an tel bawk a. Company lam hotute hian GSB lak tur an hmuh mai loh avanga harsatna an tawh te sawiin, GSB lak tur hi ngaihtuah tlan nise an ti a, GSB hi a awm a nih chuan Vawiin atang hian hna an tan nghal theih tur thu Company lam aiawhte hian an sawi a, kawngpui sir lama tuihawk tha taka in paih thei turin kawng siam hna hi thawh nise an ti bawk.

Comments

Chhiar Hlawhte