Chanchin thar thenkhat :

Sample Collection Kiosk

Lunglei High Powered Committee (HPC) kaltlanga buatsaih Civil Hospital Lunglei (CHL)-a ‘Covid-19 Sample Collection Kiosk’ chu nimin khan Lunglei HPC Vice Chairman, Lawmawma Tochhawng MLA chuan hawngin hman tan a ni a, ‘Covid-19 Sample Collection Kiosk’ hi Civil Hospital Lunglei (CHL) Medical Superintendent Office hnuaiah siam niin a chhungah Waiting Room, Reception, Sample lakna pahnih, Observation Room , Duty Room leh Doffing Room te ruahman a ni a. Hospital-a admit tur, Operation Theatre-a lut tur leh damlo awmpuitu te chu nitin engtik lai pawhin (24x7) a in test theih a, Certificate mamawh vang emaw, thil dang vanga Test duh te tan chawhnu dar 1:00 atanga tlai dar 3:30 thlengin Test theih a ni bawk. Test man hi sawrkarin a bituk angin Rapid Antigen Test (RAgT)-ah Rs 200/- leh TrueNat Test-ah Rs. 1000/- a ni.

Kawngpui dung enfiah

Khawzawl Road Protection Squad chuan nimin zing khan Khawzawl khuaa kawngpui dung fangin, kawngpui nekchep leh tichhe thei zawnga hmalakna awm theite an endik bakah, chutiang ti te chu senghawi tura hriattirna pek an ni a. Tun tumah hian mi 10 te chu an bungrua te senghawi tur leh an hnathawh te chhunzawm lo turin a hmunah hrilh nghal niin, CrPC 133 hnuaiah lehkha pek an ni. Khawzawl khawchhung kawngpui endik hi nikum lam atangin a khat tawka kalpui a ni a, Road Protection Squad te hi Village Council leh YMA hruaituten an area chin theuhah an lo tawiawm bawk a ni.

Tripura atangin mamawh la

Tunhnaia Assam atanga nitin mamawh phur lirthei rawn lut tur a khahlak avanga Tripura-a tuialhthei phur tura kal pahnih te chuan nimin khan Mizoram an rawn thleng leh tawh a, nimin khan Truck engemaw zat chuan Tripura an thleng ve leh bawk a, nitin mamawh dang pawh Tripura atang hian lakluh tan mek a ni bawk.